Të paktën 36 persona kanë vdekur, mes tyre 23 fëmijë, në masakrën në një qendër të kujdesit për fëmijët në verilindje të Tajlandës.

Sulmuesi i dyshuar, i cili është identifikuar si ish-polici 34-vjeçar Panya Kamrab, ishte paraqitur në gjykatë për akuzat e drogës në orët para sulmit në çerdhe.

“34-vjeçari shkoi të kërkonte djalin e tij dy vjeçar, por djali nuk ishte aty, kështu që ai filloi të qëllonte si dhe të godiste me thikë njerëzit në çerdhe,” i tha CNN shefi i policisë lokale, gjenerali Paisan Luesomboon.

I dyshuari më pas “arriti të futej në një dhomë ku flinin 24 fëmijë së bashku. Të gjithë fëmijët përveç njërit vdiqën në atë dhomë.  Ai përdori gjithashtu një thikë për të goditur fëmijët dhe stafin në qendër,” tha Luesomboon, duke shtuar se Kamrab në ato momente ka qenë i droguar.

Pas sulmit në çerdhe, i dyshuari mori rrugën për në shtëpi ku vrau gruan dhe njerkun.

Ai gjithashtu shënjestroi disa kalimtarë në udhëtimin e tij për në shtëpi.

LEXONI GJITHASHTU: 

• Të paktën 31 ​​viktima nga një sulm në një kopsht në Tajlandë
• OBSH alarm për shurupet e kollës të prodhuara në Indi pas vdekjeve te fëmijët