Shqipëria humb 0-2 kundër Francës, inagurohet stadiumi i ri

Shqipëria është mundur 2-0 nga Franca në transfertën e kualifikueseve për EURO 2020 në Tiranë në “Air Albania Stadium”.

Goli i parë u shënua nga Corentin Telisso në minutën e nëntë të takimit dhe i dyti u shënua nga Antonie Grizman në minutën e 30-të të pjesës së parë.

Në pjesën e dytë të takimit Kombëtarja e Francës u kujdes që të mos lejonte Shqipërinë të ndërtonte aksione që do u rrezikonin portën.

Ndeshja u mbyll pa incidente. Shqipëria nuk kualifikohet në EURO 2020, pavarësisht përpjekjeve.

Kuqezinjtë ishin pjesë e Grupit H, në kuadër të eliminatoreve së bashku me Turqinë, Francën, Islandën, Moldavinë dhe Andorrën.

Ndeshja e zhvilluar në stadiumin e ri të kombëtares mblodhi mijëra tifozë kuqezi të cilët mbështetën Shqipërinë, brenda dhe jashtë stadiumit.

Hapja e “Air Albania Stadium” u inagurua me një ceremoni të madhe. Shumë artistë shqiptarë si Flori Mumajesi, Aurela Gaçe dhe Era Istrefi performuan disa nga këngët e tyre më të dashura për publikun shqiptar.

Himnet e dy ekipeve u kënduan live në stadium. Besa Kokëdhima këndoi himin francez ndërsa Juliana Pasha himnin kombëtar shqiptar.