Shqiptari i parë që fiton një turne ndërkombëtar të Pokerit në Milano

Zvicerani me origjinë shqiptare, Elvir Nuhiu, shkroi historinë në pokerin ndërkombëtar duke u bërë lojtari i parë shqiptar që fiton një event të madh të PokerStars Open. Turneu i parë i sezonit 2026 përfundoi të dielën në Casinò di Campione, ku Nuhiu triumfoi mbi 1,582 pjesëmarrës dhe fitoi €200,640.

“Jam kryesisht lojtar i cash-game, por nuk kisha planifikuar të vija këtu. Kur pashë këtë festival afër Milano-s, vendosa të provoja fatin,” tha Nuhiu pas fitores.

“Është ndjesi e jashtëzakonshme të arrish në tavolinën finale dhe të fitosh.”

Finalja përfshiu lojtarë nga Italia dhe Franca, ndërsa në duel të fundit, Nuhiu mposhti grindorin italian Vincenzo Petruzziello, duke siguruar vendin e parë dhe titullin prestigjioz.