Shtëpia e Bardhë: Uraniumi i pasuruar i Iranit është në listën e prioriteteve të Trump

Shtëpia e Bardhë ka deklaruar se uraniumi i pasuruar në nivel të lartë i Iranit është në krye të listës së prioriteteve të presidentit Donald Trump, ndërsa negociatat me Teheranin hyjnë në fazën e tyre të ardhshme.

“Kjo është në krye të listës së prioriteteve për presidentin dhe ekipin e tij negociator ndërsa ata hyjnë në këtë raund të ardhshëm diskutimesh”, u tha sekretarja e shtypit Karoline Leavitt gazetarëve të mërkurën, duke thënë se uraniumi i pasuruar i Iranit është një “vijë e kuqe” nga e cila Trump nuk po tërhiqet.

“Kjo është një vijë e kuqe nga e cila presidenti nuk do të tërhiqet dhe ai është i përkushtuar për të siguruar që kjo të ndodhë. Shpresojmë që kjo të ndodhë përmes diplomacisë”, shtoi ajo.

Trump tha më herët të mërkurën se SHBA-të do të punonin me Iranin për të gërmuar dhe hequr uraniumin.

“Nuk do të ketë pasurim të uraniumit dhe Shtetet e Bashkuara, duke bashkëpunuar me Iranin, do të gërmojnë dhe do të heqin të gjithë ‘pluhurin’ bërthamor të varrosur thellë (të bombarduesve B-2),” shkroi ai në Truth Social.