Siguri e shpresë për turizëm, ministrat e turizmit në G20 përcaktojnë pikat kryesore për lëvizje

Italia është gati të mirëpresë sërish të gjithë botën, kështu u shpreh kryeministri Mario Draghi pas takimit të G20 ku u mblodhën së bashku ministrat e turizmit.

Rivendosja e besimit në udhëtime dhe turizëm, mësimi nga përvoja e pandemisë dhe  një agjende e zhvillimit të qëndrueshëm te turizmit në të ardhmen ishin pikat kryesore të samitit. Udhëzimet në shtatë fushat kryesore janë: lëvizshmëri e sigurt, menaxhim krizash, qëndrueshmëri, përfshirje, transformim i gjelbër, tranzicion digjital, investime dhe infrastrukturë.

“Nuk kam dyshime se turizmi në Itali do të jetë më i fortë se më parë,” – u  shpreh kryeministri Draghi duke shtuar se lejet kombëtare COVID për të udhëtuar në Itali do të lëshohen nga gjysma e dytë e majit.

Turizmi vazhdon të jetë një nga sektorët më të goditur nga pandemia, ku lëvizja e turistëve ndërkombëtare në shkallë globale në vitin 2020 pësoi rënie ne 73%, çka pati ndikime të mëdha në grupet e rrezikuara, dhe gati 62 milion vende pune u reduktuan në të gjithë botën.

Duke folur në një konferencë për mediat  në fund të takimit, kryeministri Draghi theksoi rëndësinë e rihapjes së sektorit për të lejuar turistët të vizitojnë Italinë në mënyrë të sigurt duke shtuar se “Certifikata e Gjelbër Digjitale” do të jetë në dispozicion në BE nga mesi i qershorit”.

LEXONI GJITHASHTU: 

• Lehtësimi kufizimeve në Evropë, italianët shijojnë të qetë kafenë, protesta në Holandë: Më shumë liri
• Italia do të rikonstruktojë fushëbetejën e gladiatorëve në Koloseum
• Varianti indian mbërrin në Europë, tre raste të konfirmuara në Spanjë, pritet rezultati i testeve në Itali