Situata në Nagorno-Karabakh, përplasje mes Turqisë dhe Francës

Ndërsa mes forcave armene dhe atyre azere vijojnë përplasjet në rajonin e Nagorno-Karabakh, tensionet janë shtuar edhe në arenën ndërkombëtare sikundër mes Francës dhe Turqisë, ku të dyja palët kanë ngritur tonet në distancë.

Disa nga aleatët e NATO-s janë gjithnjë e më të alarmuar nga qëndrimi i Ankarasë ndaj Nagorno-Karabakhut, rajon i shkëputur brenda Azerbajxhanit dhe aleat i ngushtë i Turqisë që drejtohet nga Armenët etnikë, por nuk njihet nga asnjë vend si republikë e pavarur.

Tensionet janë shtuar ndërsa Ministri i Jashtëm Mevlut Çavusoglu tha se Turqia do të “bënte atë që është e nevojshme” kur u pyet nëse Ankara do të ofronte mbështetje ushtarake nëse Azerbajxhani e kërkonte diçka të tillë.

Çavusoglu tha gjithashtu se solidariteti francez me Armeninë shton me tej mbështetjen e pushtimit armenë në Azerbajxhan.

Ndërkohë Presidenti i Azerbajxhanit është zotuar të luftojë deri sa forcat armene të largohen nga territori i diskutueshëm. Më i ashpër në fjalimin e tij ishte presidenti francez Emmanuel Macron i cili është shprehur se retorika “luftarake” e Turqisë po inkurajonte Azerbajxhanin për të ripushtuar Nagorno-Karabakhun dhe kjo ishte e papranueshme, megjithëse ai shtoi se nuk kishte asnjë provë në këtë fazë të përfshirjes së drejtpërdrejtë turke.

Rusia nga ana tjetër përmes ministrit të jashtëm Sergei Lavrov është shprehur e gatshme të presë ministrat e jashtëm të Armenisë dhe Azerbajxhanit për bisedime.

Lavrov, pas thirrjes për armëpushim tha se Rusia do të vazhdojë të punojë si e pavarur dhe së bashku me përfaqësuesit e tjerë të grupit Minsk të (OSBE) do të bashkëpunojë për të ndërmjetësuar në konflikt.

Luftime të ashpra shpërthyen të dielën midis forcave armene dhe azeriane rreth Nagorno-Karabakh, ku më shumë se 100 persona kanë humbur jetën. Është ende e paqartë sesi rinisën luftimet të cilat kishin pushuar që nga viti 1994.

Lexoni gjithashtu:

Luftimet mes Azerbajxhanit në ditën e katërt, Macron kundër qëndrimit të Turqisë

Armenia dhe Azerbajxhani vazhdojnë luftimet në Nagorno-Karabak, dhjetëra të vdekur

Konflikti Armeni-Azerbajxhan, disa dhjetëra të vrarë