Situata nga COVID-19, Turqia në shtetrrethim gjatë fundjavës, në Kaliforni 27 milionë banorë nën izolim

Situata nga COVID-19 vijon të mbetet shqetësuese në të gjithë botën, sipas të dhënave nga universiteti amerikan John Hopkins raportohet për mbi 66 milionë të infektuar ndërsa numri i viktimave arriti në mbi një milionë e 500 mijë.

Italia raportoi mbi 21,000 raste të diagnostikuara dhe 662 vdekje në 24 orët e fundit.

Në total në shtetin fqinj rastet me COVID-19 kanë tejkaluar 170,000 me gati 60,000 vdekje.

Nga e diela është vendosur të lehtësohen disa masa kufizuese ndonëse janë të ndaluara lëvizjet midis rajoneve. Tani vetëm rajoni i Abruzzos është shënuar si zonë me rrezik të lartë.

Lehtësimi i masave kufizuese në Britani të madhe ka shkaktuar një vërshim të qytetarëve në rrugë të cilët duken të etur për të shpenzuar ndoshta të ndikuar edhe nga festat e fundvitit.

Gjatë ditës së shtunë Franca regjistroi 12,923 raste të reja COVID-19 të dhe 216 viktima. Të dhënat nga autoritetet shëndetësore të vendit tregojnë se numri i shtrimeve në spital dhe rastet e rënda ishin më pak se një ditë më parë.

Turqia raportoi 31,896 raste të reja COVID-19. Ajo ka ndërmarrë  një seri masash të reja, duke përfshirë bllokimin e plotë gjatë fundjavës. Lockdoën hyn në orën 21 të së premtes dhe përfundon në orën 5 të mëngjesit të së hënës ndërsa bllokimi gjatë natës  në cdo ditë të javës do të vendoset nga ora 21:00 deri në 05:00.

Shtetet e Bashkuara mbeten më te goditurat nga pandemia në botë. Sipas të dhënave nga univeristeti John Hopkins vdekjet nga COVID-19 në Shtetet e Bashkuara këtë të shtunë  kaluan  në 280,000 .

Shteti i Kalifornisë  raportoi mbi 25,000 raste të reja cka ka detyruar autoritetet të vendosin në izolim 27 milionë banorët masë që d të zgjas të paktën tre javë.