Qeveria holandeze jep dorëheqjen pas skandalit të ndihmës sociale

Kryeministri holandez Mark Rutte ka lajmëruar se qeveria e tij do të japë dorëheqjen për shkak të mënyrës se si përballoi një skandal të ndihmës sociale për fëmijët.

U zbulua se autoriteti i taksave ka akuzuar gabimisht për mashtrim familjet që kërkonin të përfitonin nga ndihma sociale për fëmijët.

Presioni për të dhënë dorëheqjen ndaj qeverisë holandeze u rrit përpara një mbledhje kabineti të premten, ku u diskutua nëse qeveria duhej të jepte dorëheqjen vetëm dy muaj përpara zgjedhjeve të përgjithshme të planifikuara.

Holanda është tashmë në vështirësi për të përballuar COVID-19 duke marrë parasysh mijëra infektimet ditore dhe një përhapjes së ngadaltë të vaksinave.

Për çfarë ishte skandali?

Një raport parlamentar zbuloi se në dhjetor, mijëra prindër nuk morën pagesat e ndihmës sociale për fëmijë pasi ato u ndaluan për shkak të hetimeve për mashtrim. Disa prej prindërve u detyruan të futen në borxhe për të përballuar shpenzimet, pasi u akuzuan gabimisht se kishin marrë pa të drejtë ndihmën sociale.

Qeveria holandeze ka kërkuar falje për skandalin dhe rezervoi 500 milionë euro ndihmë për prindërit e prekur nga ky skandal.