Të dhëna të reja dalin në dritë nga skandali me ish-agjentin e FBi Charles McGonigal i akuzuar se ka ndihmuar oligarkun rus Oleg Deripaska të sanksionuar nga SHBA.

Revista Forbes shkruan se McGonigal së bashku me një ish-diplomat rus kanë hetuar pasuritë e një tjetër oligarku nga Rusia, rivali i Oleg Deripaskës i cili sipas artikullit të revistës amerikane mendohet të jetë Vladimir Potanin, personi i dytë më i pasur në Rusi.

Hetimi ndaj Potanin do të përqendrohej në kërkimin e pasurive të tij jashtë Rusisë dhe mundësinë që rivali i Deripaskës të kishte një pasaportë tjetër përveç asaj ruse.

Sipas burimeve të the “Forbes”, Deripaska po mblidhte materiale përmes ish-agjentit të FBI-së dhe diplomatit rus për të ngritur një padi në Londër kundër Potanin.

Në aktakuzën e SHBA-së thuhet se Deripaska kishte filluar të kërkonte një hetim ndaj oligarkut të tij rival në pranverën e vitit 2021, kur Potanin filloi të zgjeronte pasuritë e tij pas pushtimit rus të Ukrainës shkurtin e kaluar, duke riblerë grupi bankar rus ‘Rosbank’.

Deripaska dhe McGonigal kanë qenë në qendër të vëmendjes edhe më herët, pasi të dy ata ishin të përfshirë në hetimin e FBI-së për kontaktet midis Rusisë dhe fushatës presidenciale të Donald Trump në vitin 2016.

Të dy oligarkët janë sanksionuar nga Britania e Madhe, ndërsa SHBA dhe BE kanë sanksionuar vetëm Oleg Deripaskën duke lënë të paprekur Vladimir Potanin mendohet se kjo për shkak të varësisë që ka Evropa nga eksportet e nikelit dhe paladiumit që sigurohet prej kompanive të tij

LEXONI GJITHASHTU:

• Skandali McGonigal, analisti Zekthi: Ish-zyrtari i FBI-së u soll si sekser
• Deputeti i PS për skandalin e ish-zyrtarit të FBI: Ja e vërteta për ju që nuk e dini