Skocia i thotë lamtumirë monarkes, arkivoli mbretëror drejt Londrës

Skocia i ka dhënë lamtumirën e fundit Mbretëreshës Elizabeth II. Disa mijëra persona ndoqën në rrugët e Edinburgut transferimin e arkivolit të saj përgjatë qendrës historike të kryeqytetit drejt Katedrales Saint Giles.

Procesionarja ka kaluar aksin Royal Mile në heshtje, e ndërprerë çdo minutë nga oshtimat e topave. Të gjithë fëmijët e mbretëreshës e shoqëruan atë gjatë procesit.

Arkivoli mbretëror tërhoqi vëmendjen e ceremonisë fetare, gjatë të cilës ishin të pranishëm ministrja e parë e Skocisë, Nicola Sturgeon, përfaqësues të sistemit gjyqësor, personalitete të sportit dhe kulturës, si  dhe përfaqësues të organizatave rinore.

Trupi i monarkes do të qëndrojnë në Saint Giles deri të martën, në mënyrë që qytetarët të bëjnë homazhet e tyre, pas pritjes së gjatë disa orë.

Më pas arkivoli do të dërgohet në Londër, ku do të qëndrojë deri më datë 19 shtator, kur dhe do të përcillet për në banesën e fundit.

LEXONI GJITHASHTU:

• Detaje nga ceremonia e varrimit të mbretëreshës Elisabeth II
• A do ketë mbreti të njëjtin admirim si Mbretëresha Elizabeth?