Princ Charles ka falënderuar britanikët të cilët janë shprehur të gatshëm për të hapur dyert e shtëpive të tyre për refugjatët nga Ukraina.

Ditën e sotme, Charles në mesazhin e tij për Pashkët, u fokusua në miliona njerëz të zhvendosur nga lufta, duke u shprehur se ishte thellësisht i prekur nga gjestet humane që Britanikëve.

Komenti i tij erdhi pasi më shumë se 200 mijë britanikë kanë shprehur interes për të hapur dyert e shtëpisë së tyre për refugjatët nga Ukraina përmes një skeme të mbështetur nga qeveria.

Princi Charles tha se ishte “i prekur” të shikonte se si një numër i konsiderueshëm personat në të gjithë Mbretëria e Bashkuar ishin gati të ftonin në shtëpitë e tyre njerëz në nevojë.

“Sot, miliona njerëz e gjejnë veten të zhvendosur, të lodhur nga udhëtimi i tyre nga vendet e trazuara, të plagosur nga e kaluara, të frikësuar nga e ardhmja dhe në nevojë për një mirëseardhje, pushim dhe mirësi. Por mes gjithë këtij trishtimi dhe çnjerëzori, ka qenë thellësisht prekëse të shohësh se si kaq shumë njerëz janë gati të hapin shtëpitë e tyre për ata në nevojë”, tha Princ Charles.