Sot në Danimarkë mbahen zgjedhjet parlamentare, ku sipas pritshmërive as e majta dhe as qendra e djathtë nuk do të fitojnë shumicën e 90 vendeve në Folketing – asambleja prej 179 vendesh.
Disa parti të reja shpresojnë të hyjnë në parlament, ndërsa të tjerat e shohin mbështetjen e tyre në rënie, raporton AP, duke vlerësuar se ish-kryeministri danez Lars Loke Rasmussen, i cili u largua nga partia e tij për të formuar një të re këtë vit, mund të jetë një figurë kyçe në zgjedhje, sepse votat e tij mund të jenë të nevojshme për formimin e një qeverie të re.
Kur shpalli zgjedhjet në tetor, shtatë muaj përpara përfundimit të mandatit të saj katërvjeçar, kryeministrja Mette Frederiksen tha se donte një qeveri të gjerë me parti nga të dyja anët e qendrës politike. Ajo theksoi se Danimarka, ashtu si pjesa tjetër e Evropës, po kalon kohë të vështira dhe se deputetët duhet të jenë bashkë.
Deklarata erdhi pasi një aleate e pakicës së saj, qeveria njëpartiake Socialdemokrate, kërcënoi se do të rrëzonte Frederiksen me një votë mosbesimi.
LEXONI GJITHASHTU:
- Danimarka në zgjedhje, kontraste në koalicionin qeverisës dhe frikë nga radikalët
- Danimarka në zgjedhje më 1 nëntor
- Mbretëresha e Danimarkës kërkon ndjesë pasi i hoqi titujt nipërve
