Starmer: Po dërgojmë anijen “HMS Dragon” dhe helikopterë me aftësi kundër dronëve në Qipro

Kryeministri britanik, Keir Starmer njoftoi vendosjen e anijes HMS Dragon dhe helikopterëve me aftësi anti-dronë në Qipro.

Starmer tha se vendosja ishte pjesë e përpjekjeve të Mbretërisë së Bashkuar për të forcuar operacionet e saj mbrojtëse, ndërsa theksoi se vendi do të veprojë gjithmonë në interesin e vet dhe të aleatëve të tij.

“Ne gjithmonë do të veprojmë në interes të Mbretërisë së Bashkuar dhe aleatëve tanë”, shtoi ai.

Ky zhvillim vjen pas vendimit të Greqisë dhe Francës për të dërguar gjithsej tre fregata për të mbrojtur Qipron, ku ndodhen dy baza britanike, të cilat konsiderohen me rëndësi strategjike për Londrën.

“Mbretëria e Bashkuar është plotësisht e përkushtuar ndaj sigurisë së Qipros dhe personelit ushtarak britanik atje.

Ne vazhdojmë operacionet tona mbrojtëse dhe sapo kam folur me Presidentin e Qipros për ta informuar atë se po dërgojmë helikopterë me aftësi kundër-dronëve dhe se HMS Dragon do të dërgohet në zonë.

Ne gjithmonë do të veprojmë në interes të Mbretërisë së Bashkuar dhe aleatëve tanë”, njoftoi Starmer.