Statusi i emigrantit në Britani, e mërkura është afati i fundit për aplikimin për lejen e qëndrimit

E mërkura është afati i fundit që qytetarët e Bashkimit Evropian të aplikojnë për një status qëndrimi në Britani, pas Brexit.

Mbretëria e Bashkuar po fut në fuqi një sistem të ri emigracioni, që i jep fund prioritetit për qytetarët nga blloku ndaj atyre nga vende të tjera, për të përmbushur zotimin e bërë në referendumin e vitit 2016.

Gazetari i Euronews në Londër raportoi se janë rreth 400 mijë aplikime që nuk kanë marrë përgjigje, me disa që presin prej një viti.

Ata ka të ngjarë të jenë njerëz me deklarata të komplikuara që kanë nevojë të hetohen dhe që u është thënë të mos shqetësohen, se nëse kanë aplikuar në kohë do të mund të qëndrojnë.

Edhe ekspertët e fushës e kanë të vështirë të thonë se sa janë njerëzit që nuk kanë aplikuar për një arsye apo një tjetër.

Rreth 5.6 milionë qytetarë të BE-së kanë aplikuar për të drejtën e qëndrimit, ndërsa mijëra të tjerë jo, ose janë ende në pritje që aplikimet të shqyrtohen.

LEXONI GJITHASHTU:

• 5 vjet nga Brexit: ‘Do t’ju merrnim mbrapsht’, thotë BE në sondazhin e ri
• Britania pas Brexit, pakt për tregtinë e lirë me Australinë, hiqen tarifat mes dy vendeve
• 5 vjet nga Brexit, ekspertët: Pasojat do të jenë afatgjata