Stoltenberg në Kiev: Nuk e kemi përmbushur premtimin, armët do të vijnë

Sekretari i Përgjithshëm i NATO-s Jens Stoltenberg tha gjatë një vizite të paparalajmëruar në Ukrainë se vendet anëtare të asaj aleance nuk i kanë përmbushur premtimet e tyre për ndihmë ushtarake për Kievin në muajt e fundit.

Ai premtoi se dërgesat e armëve dhe municioneve tani do të rriten.

“Unë do të jem shumë i sinqertë me Presidentin Zelenskyi dhe në parlament dhe do të them se aleatët e NATO-s nuk e kanë përmbushur atë që kemi premtuar në muajt e fundit. SHBA kaloi gjashtë muaj për të rënë dakord për një paketë dhe aleatët evropianë nuk i dhanë municionet që premtuam. Por tani jam i bindur se do të ndryshojnë gjërat”, tha ai në trenin që mori për në Kiev.

LEXONI GJITHASHTU:

• Kreu i NATO-s zhvillon vizitë të paparalajmëruar në Kiev
• Gjermania arreston një rus që dyshohet se vrau dy ushtarë ukrainas