Strategjia e vaksinimit në vendet e BE, Von der Leyen: Do të nisë para fundit të vitit 2020

Ndërsa parlamenti Evropian diskuton sot mbi strategjinë e procesit të vaksinimit në vendet e BE, presidentja e Komisionit Evropian Ursula von der Lyen theksoi se do të sigurohet që të ndihmohen të gjitha shtetet në mënyrë që të kenë akses në vaksinën e miratuar.

Agjencia Evropiane e Barnave pritet të mblidhet në 21 dhjetor për të vlerësuar vaksinën e prodhuar nga kompania amerikane ‘Pfizer’ dhe partneri gjerman ‘BioNTech’.

Ndërsa detyra e agjencisë është të japë rekomandime për trajtime të reja mjekësore, Komisioni Evropian ka fjalën e fundit mbi aprovimin dhe zakonisht ndjek këshillat e Agjencisë së Barnave.

Më herët Ursula von der Leyen u shpreh se me shumë mundësi evropianët e parë do të vaksinohen para fundit të vitit 2020.