Suedia rekomandon dozën e katërt për grupmoshën mbi 80 vjeç

Agjencia Shëndetësore e Suedisë rekomandoi të hënën që njerëzit e moshës 80 vjeç e lart duhet të marrin një dozë të dytë përforcuese të vaksinës COVID-19, injektimi i katërt në total.

Ky vendim është marrë për të shmangur imunitetin në rënie në një kohë kur varianti Omicron po përhapet me shpejtësi. Rekomandimi përfshin edhe njerëzit që punojnë në azile ose që kujdesen për të moshuarit.

Injeksioni i dytë përforcues duhet të kryhet të paktën katër muaj pas marrjes së dozës së parë përforcuese, tha agjencia në një deklaratë.

Ashtu si me raundin e parë të vaksinave përforcuese, vaksinat që do injektohen duhet të jenë Pfizer/Biontech ose Moderna.