Sulm ajror me raketa në një shkollë në Gaza, vriten 15 persona

Të paktën 15 persona janë vrarë në një sulm ajror në një shkollë në Rripin e Gazës, thanë zyrtarët palestinezë.

Dhjetëra të tjerë janë plagosur në sulmin në ndërtesën që strehonte personat e zhvendosur nga kampi i refugjatëve Nuseirat në Gazën qendrore, sipas ministrisë së shëndetësisë të drejtuar nga Hamasi.

Video nga vendi i ngjarjes tregon të rriturit dhe fëmijët duke bërtitur në një rrugë të mbushur pluhur dhe rrënoja.

Ushtria izraelite i tha BBC-së se po shqyrtonte sulmin.

Dëshmitarët okularë i thanë BBC-së se sulmi kishte në shënjestër katet e sipërme të shkollës, e cila ndodhet pranë një tregu të frekuentuar.

Një burim lokal tha se objektivi ishte një dhomë që dyshohet se përdorej nga policia e Hamasit.

LEXO GJITHASHTU:

• Sulmi izraelit në Bregun Perëndimor, vriten 5 persona
• Izraeli shqyrton përgjigjen e Hamasit për propozimin për armëpushim në Gazë