Të paktën katërmbëdhjetë persona janë qëlluar me armë zjarri të hënën mbrëma në Çikago gjatë festimeve të Halloween-it.
- Advertisement -
Mediat e huaja bëjnë me dije se mes të plagosurve ishin edhe tre fëmijë, nga mosha 3 në 13 vjeç.
Mësohet se të shtënat ndodhën në bllokun 2700 të West Flournoy Avenue, tha policia e Çikagos, dhe zgjatën vetëm disa sekonda.
Sipas raportimeve, dy persona hapën zjarr në drejtim të turmës ndërsa kalonin me automjet.
Dyshohet se mes të lënduarve është edhe një person që është përplasur nga një makinë.
Nuk dihet ende se përse autorët hapën zjarr.
LEXONI GJITHASHTU:
- Price: I kërkuam Kosovës shtyrjen e plotë e jo të pjesshme të vendimit për targat
- Polonia arrin marrëveshje për ndërtimin e uzinës së dytë bërthamore
