Sulm në Nagorno-Karabak, Armenia dhe Azerbajxhani thyejnë armëpushimin

Armenia dhe Azerbajxhani hodhën akuza ndaj njëra-tjetrës për prishje të armëpushimit, një marrëveshje e arritur muajin e kaluar, ndërmjetësuar nga Rusia për rajonin e Nagorno-Karabakut.

Separatistët e Nagorno-Karabakut pretendojnë se ushtria e Azerbajxhanit nisi një sulm të premten në mbrëmje, i cili la tre ushtarë armenë të plagosur.

Presidenti i Azerbajxhanit Ilham Aliyev fajësoi Armeninë për përplasjet e fundit dhe kërcënoi se do t’i thyente kokën me një grusht të hekurt.

Paqeruajtësit rusë të thirrur për mbrojtjen e rajonit konfirmuan prishjen e paqes, por nuk specifikuan se nga cila anë.

“Më 11 dhjetor, në afërsi të Sabert dhe Khin Taglfar të rajonit Gadrut, ndodhi një shkelje e armëpushimit,” tha Rustam Muradov, gjeneral dhe Komandant i forcave paqeruajtëse ruse në Nagorno-Karabak, në një deklaratë të dielën.

Megjithatë zyrtarët rusë kanë theksuar se tani situata ndodhen nën kontroll.

Lexoni gjithashtu:

Konflikti në Nagorno-Karabak, qytetarët azerë bëhen gati të kthehen pas marrjes së territorit

Armenët marrin arratinë, Nagorno-Karabakh, banorët u vënë flakën shtëpive para largimit

Vuçiç sqaron krahasim e konflikt me Kosovën me luftën Armeni-Azerbajxhan