Sulmi ndaj ‘Charlie Hebdo’, mbyllet gjyqi, nga 30 vjet burg për të dyshuarit kryesorë

Gjyqi ndaj 14 personave të akuzuar për lidhje me sulmet ndaj gazetës satirike “Charlie Hebdo” dhe një supermarketi hebre në Paris u mbyll të mërkurën me shumë persona të dënuar për akuza të lidhura me terrorizmin.

Hajat Bumedien, bashkëshortja e atentatorit Amedi Kulibali, u dënua me 30 vjet burg në mungesë.

Ajo është arratisur në Siri dhe mendohet se është ende gjallë.

Ndërkohë, i dyshuari kryesor, Ali Riza Polat, u shpall fajtor për “bashkëpunim në akte terroriste”.

Ai u dënua gjithashtu me 30 vjet burg, edhe pse prokurorët kërkuan burgim të përjetshëm.

Për 6 nga të pandehurit, paneli i gjyqtarëve nuk i klasifikoi krimet e tyre si “terrorizëm” për shkak të mungesës së provave.

Sulmet ndodhën më 7 dhe 9 janar, duke lënë 17 persona të vdekur, përfshirë tre atentatorët.

Lexoni gjithashtu: 

Shtohen tensionet Turqi-Francë, reagon Ankaraja pas karikaturave të Charlie Hebdo mbi Erdogan

Tensionohen raportet mes presidentit francez dhe botës arabe pas komenteve për karikaturat e profetit Muhamed

Franca mbyll xhaminë pas publikimit në rrjete sociale të mesazheve që nxisin urrejtjen

“Unë jam mësues”, qindra qytetarë marshojnë në Francë në nder të mësuesit të vrarë

Presidenti turk Erdogan: Macron të kryejë kontrolle mendore