Taekwondo kundër abuzimeve, nisma e një 17-vjeçareje kundër dhunës në familje

Natsiraishe Maritsa, nga Zimbabve, ka qenë një adhuruese e arteve marciale që kur ishte 5 vjeç. Sot, 17, ajo e përdor disiplinën Taekwondo për të mbledhur vajza të reja dhe nëna për t’iu bashkuar luftës së vështirë kundër martesës së vajzave të mitura.

“Bëj arte marciale dhe përmes tyre dua të krijoj një qytet të çliruar nga martesat në moshë të mitur. Dua të ndal dhe abuzimin me drogën, sepse shumë adoleshentë përfshihen në të. Dua t’i bëj që të praktikojnë Takwondo,” – u shpreh Maritsa.

Fëmijë që nga mosha 4 vjeç, në lokalitetin Epworth, pranë kryeqytetit Harare, përfshihen në martesa.

“Që kur isha në fillore, shumë shoqe të mia u martuan. Më pas, në shkollë të mesme mësova se ato kishin bërë edhe fëmijë dhe po përballeshin me probleme të shumta. Martesat në moshë të re kanë çuar në shtimin e dhunës gjinore kur vajzat janë ende fëmijë. Ato nuk mund të kujdesen për familjen dhe shpesh herë dhunohen. Ato bien pre e abuzimeve dhe kjo më zemëron,” – tregon më tej Maritsa.

Shembullin e saj e kanë ndjekur edhe shumë vajza të tjera, që i janë bashkuar leksioneve të arteve marciale. Me entuziazëm, ato ndjekin udhëzimet e saj gjatë mësimit dhe në fund diskutojnë mbi rrezikun që vjen nga martesa në moshë të mitur.