Talebanët pretendojnë se kanë marrë kontrollin e provincës së fundit afgane

Talebanët pretendojnë se kanë marrë nën kontroll Luginën e Panjshirit, e cila është e vendosur në veri të Kabulit.

Zëdhënësi i talebanëve, Zabihullah Mujahid tha në një deklaratë të hënën se krahina tani ishte nën kontrollin e luftëtarëve talebanë, duke pretenduar se ata tani ishin në krye të të gjithë vendit.

Dëshmitarët në zonë i thanë “Associated Press” se mijëra luftëtarë pushtuan tetë rrethet e krahinës brenda natës.

Por, fronti i rezistencës në Panjshir pohoi se pretendimi ishte i rremë, duke deklaruar se “forcat afgane janë të pranishme në të gjitha pozicionet strategjike përtej luginës për të vazhduar luftën”.

“Ne sigurojmë pjesëmarrësit në Afganistan se lufta kundër talebanëve dhe partnerëve të tyre do të vazhdojë derisa të mbizotërojë drejtësia dhe liria,” tha Fronti i Rezistencës Kombëtare nëpërmjet një postimi në Twitter.

Ish-nënpresidenti i Afganistanit dhe presidenti i vetëshpallur në detyrë, Amrullah Saleh është një nga udhëheqësit e rezistencës në provincë.

Saleh i tha Euronews vetëm ditë më parë se ai mbeti në Luginën Panjshir me luftëtarët e tij të Frontit të Rezistencës Kombëtare.

LEXONI GJITHASHTU:

• Kreu i grupit opozitar afgan kërkon të negociojë me talebanët
• Rinisin fluturimet nga Kabuli, Euronews tregon regjimin e ri të talebanëve në Afganistan
• ​OKB-ja parashikon konferencë në ndihmë të Afganistanit