Të paktën 14 viktima nga stuhia Ida, reshjet e një muaji bien brenda natës në Nju Jork

Nju Jorku dhe Nju Xhersi kanë shpallur gjendje të jashtëzakonshme pasi e gjetën veten mes përmbytjeve katastrofike që kanë marrë jetën e të paktën 14 vetëve, përfshi një djali 2 vjeçar. Një numër rekord reshjesh është regjistruar edhe në të famshmin Central Park dhe shirat pritet të vazhdojnë edhe për disa orë.

Mbrëmjen e shkuar, qyteti përjetojë ‘orën më të lagësht’ në histori, teksa më tepër se 80 milimetra shi vërshuan në më pak se 60 minuta.

Ky numër eklipsoi rekordin e vendosur vetëm një muaj më parë nga Stuhia Tropikale Henri, e cila la mbrapa plot 49 milimetra shi.

Shërbimet Kombëtare Meteorologjike deklaruan ditën e djeshme se kjo ishte hera e parë që ata kishin shpallur “gjendje të jashtëzakonshme si pasojë e përmbytjeve” në Nju Jork City.

“Ne po përjetojmë një ngjarje historike sonte me një numër rekord shirash në të gjithë qytetin, përmbytje brutale dhe kushte tejet të rrezikshme në rrugët tona,” u shpreh kryebashkiaku i Nju Jorkut, Bill de Blasio, mbrëmjen e të mërkurës.

Ai i këshilloi qytetarët të qëndrojnë larg rrugëve duke thënë se: “Nëse jeni duke menduar të dilni jashtë, mos e bëni! Qëndroni larg metrove. Larg rrugëve. Mos i jepni makinës gjatë këtyre përmbytjeve masive. Qëndroni brenda.”.

LEXONI GJITHASHTU:

• Tetë të vdekur nga uragani “Grace” në Meksikë, paralajmërime për stuhi në SHBA
• Veriu i Francës goditet nga një stuhi e fortë
• Pekini goditet nga stuhia më e madhe e rërës në dhjetë vitet e fundit