Të shtëna me armë në Kabul gjatë protestave kundër talebanëve

Korrespondentja e Euronews në Afganistan raporton për të shtëna me armë gjatë një proteste kundër talebanëve në kryeqytet.

Talebanët kanë hapur zjarr për të shpërndarë protestuesit dhe i kanë kërkuar gazetarëve në terren që të mos filmojnë.

Moment before Taliban started firing to disperse protest. They told journalists to stop filming and went in. Unclear if there are casualties, but there was heavy gunfire for about 10 minutes non stop. Street eerily silent now. pic.twitter.com/ki2FWxoRKZ

— Anelise Borges (@AnneliseBorges) September 7, 2021

Të shtënat kanë zgjatur rreth dhjetë minuta.

Talebanët morën kontrollin e kryeqytetit të Afganistanit në mes të muajit gusht. Kjo ndodhi fill pasi Presidenti Joe Biden njoftoi për tërheqjen e plotë të trupave ushtarake amerikane nga territori i Afganistanit brenda shtatorit.

Ata deklaruan të hënën se kanë hyrë dhe në luginën Panjshir, provinca e vetme ku po bënte rezistencë grupi i luftëtarëve kundër talebanëve.

Ahmad Massoud, kreu i rezistencës në Panjshir, ka bërë thirrje për “kryengritje kombëtare” kundër talebanëve.

Ndërsa në Kabul ka pasur një sërë protestash të organizuara nga gratë për të kërkuar të drejtat e tyre.

Gjatë sundimit të Afganistanit nga talebanët (1996-2001), grave nuk iu lejohej të shkonin në shkollë apo në punë, si dhe mund të dilnin nga shtëpia vetëm nëse ishin të shoqëruara.

LEXONI GJITHASHTU

• Rikthehet Trump, reklamë kundër presidentit Biden për Afganistanin
• Talebanët pretendojnë se kanë marrë kontrollin e provincës së fundit afgane
• Kreu i grupit opozitar afgan kërkon të negociojë me talebanët