Tensionet në Lindjen e Mesme, Zelensky: Kemi prova se Rusia po ndan informacione me Iranin

Inteligjenca ushtarake e Ukrainës ka prova “të pakundërshtueshme” se Rusia vazhdon t’i ofrojë inteligjencë Iranit, tha të hënën Presidenti ukrainas Volodymyr Zelensky pas takimit me kreun e inteligjencës ushtarake.

“Së pari, kemi prova të pakundërshtueshme se rusët vazhdojnë t’i japin inteligjencë regjimit iranian. Rusia po përdor aftësitë e veta të inteligjencës së sinjaleve dhe inteligjencës elektronike, si dhe një pjesë të të dhënave të marra përmes bashkëpunimit me partnerët në Lindjen e Mesme”, ka shkruar ai në X.

Ndëkohë, Kremlini javën e kaluar hodhi poshtë një raport të Wall Street Journal se Rusia po ndante imazhe satelitore dhe teknologji të përmirësuar të dronëve me Iranin si “lajme të rreme”.

“Inteligjenca e Mbrojtjes e Ukrainës ofron rregullisht vlerësime të situatës në vijën e frontit, si dhe informacione të brendshme ruse në lidhje me aktivitetin në fushën e betejës. Komanda ruse kërkon vazhdimisht të ekzagjerojë arritjet e forcave ruse në vijën e frontit dhe më pas të përdorë të dhëna të tilla të fryra nga selia e grupimit të kontingjenteve pushtuese ruse në procesin e negociatave”, ka shkruar në x Zelensky.