Testi për mbrojtjen e planetit, sonda e NASA-s përplaset me sukses me një asteroid

Sonda ‘Dart’ e Agjencisë Hapësinore Amerikane, NASA, është përplasur me sukses me një asteroid duke shkatërruar veten në këtë proces.

Përplasja ishte e qëllimshme për të testuar nëse shkëmbinjve hapësinorë, që mund të kërcënojnë Tokën, mund t’u ndryshohet kursi në mënyrë të sigurt.

Kamerat e sondës Dart kapën pamjen e përplasjes në objektin 160 metra të gjerë, të quajtur Dimorphos.

“Me sa mund të themi, testi ynë i parë i mbrojtjes planetare ishte një sukses”, tha Elena Adams, pjesë e misionit.

Sipas të dhënave të para, vendi ku u përplas sonda ishte vetëm 17 metra larg qendrës së asteroidit Dimorphos.

Nga pamjet e marra nga sonda, shkencëtarët thanë se asteroidi kishte formën e një diamanti dhe në disa pjesë të sipërfaqes së tij kishte gurë, por disa zona ishin të lëmuara.

LEXONI GJITHASHTU

• NASA zbulon një ‘botë oqeanike’ ku 1 vit zgjat 11 ditë, por mund të jetë perfekte
• 1 milion vite, NASA publikon foto të liqenit të Prespës dhe Ohrit
• Rrjedhje karburanti, nisja e raketës së NASA-s anulohet sërish