Testimi i ri nis në Australi; 131 vullnetarëve u injektohet një vaksinë, rezultate bëhen me dije në korrik

Kompania e bioteknologjisë amerikane ‘Novavax’ filloi injektimin e një lloj vaksine që mund të përdoret për të kuruar coronavirus.

Një testim i tillë ka nisur të aplikohet tek qytetarët në Australi. Faza e parë e provës përfshin 131 vullnetarë dhe do të testojë sigurinë e vaksinës. ‘Novovax’ pret që rezultatet e kësaj prove në Australi të bëhen me dije gjatë muajit korrik dhe do të prodhojnë më shumë doza nëse vaksina do të rezultojë efektive.  

Pas përfundimit të Fazës 1, Faza 2 e testimit  do të zhvillohet në disa vende, përfshirë Shtetet e Bashkuara.

Kjo fazë do të vlerësojë imunitetin, sigurinë dhe uljen e nivelit të sëmundjes COVID-19 në një gamë më të gjerë moshe.