Thirrja e Stoltenberg: NATO duhet të jetë më e fortë politikisht

NATO duhet të bëhet politikisht më e fortë në mënyrë që të përballet me sfidat e dekadës së ardhshme, ishte kjo deklarata e Kreut të Aleancës Euroatlantike Jens Stoltenberg gjatë prezantimit të vizionit  të NATO-s deri më 2030.Ai theksoi se fuqizimi i Kinës është “duke ndryshuar rrënjësisht ekuilibrin global të fuqisë”.

Duke folur nga Brukseli Stoltenberg, shtoi se “Rusia vazhdon aktivitetet e saj ushtarake të paarritshme”, dhe se grupet e armatosura ekstremiste përfshirë të ashtuquajturin Shtetin Islamik janë rrënjosur tashmë.

Për të trajtuar këto sfida, si dhe një numër në rritje të kërcënimeve jo ushtarake, siç janë pandemitë, sulmet në internet dhe fushatat e dezinformimit dhe propagandës, Stoltenberg argumentoi që aleanca jo vetëm duhet të forcojë bashkëpunimin e saj ushtarak, por edhe të bëhet më e fortë politikisht.

Ai u bëri thirrje udhëheqësve që të punojnë ngushtë për të arritur “konsensus më shpejt dhe në mënyrë më sistematike”.