Tjetër grua në stafin e Biden, presidenti i SHBA-së zgjedh Janet Yellen si sekretare të Thesarit

Joe Biden ka zgjedhur një tjetër femër në stafin e tij, këtë herë për të menaxhuar Departamentin e Thesarit.

Bëhet fjalë për ish-kryetaren e Rezervës Federale, Janet Yellen.

Nëse konfirmohet nga Senati, Yellen do të jetë gruaja e parë që do të mbajë postin e sekretares së Thesarit. Ajo është mes një numri të konsiderueshëm grash të zgjedhura nga Biden për postet kyçe ekonomike.

Ekipi i tranzicionit të presidentit deklaroi se zgjedhjet e tij në fushën e ekonomisë do të ndihmojnë që Amerika të dalë nga turbullira aktuale ekonomike dhe ta rindërtojë më të fortë atë.

Ekipi njoftoi gjithashtu ngritjen e komitetit të përurimit presidencial, që do të organizojë betimin e Biden më 20 janar.