Tragjedi në Bosnje, tetë të rinj vdesin gjatë festimeve për Vitin e Ri

Disa persona janë gjetur të vdekur në një vilë private në jugperëndim të Bosnje Hercegovinës.

Tetë viktimat dyshohet se kanë ndërruar jetë nga asfiksia gjatë festimit të ndërrimit të viteve.

Zëdhënësja e policisë, Martina Medic ka thënë për AP se policia kishte marrë një telefonatë në mëngjes rreth orës 10:00 për ngjarjen e rëndë.

Fshati ndodhet 150 km në jugperëndim të Sarajevës. Komuna e Posusje ka shprehur ngushëllime për humbjen e jetëve dhe u ka bërë thirrje pronarëve të kafeneve dhe restoranteve që të mbyllin bizneset në ndër të viktimave.

Mediat lokale raportojnë se tetë personat e vdekur ishin adoleshentë dhe studentë, të cilat janë helmuar nga rrjedhja e gazit që është shkaktuar nga një gjenerator që po e përdornin për ngrohje.