Tre të vrarë nga shpërthimi i urës në Krime, thotë Rusia

Një shpërthim i madh në urën ruse për në Krime, gadishullin ukrainas që ajo aneksoi në vitin 2014, ka vrarë tre persona, thonë hetuesit hetuesit rusë.

Sipas tyre, viktimat ishin në një makinë aty pranë kur një autocisternë shpërtheu, duke rrëzuar pjesë të rrugës së urës, shkruan BBC.

Rusia thotë se pjesa hekurudhore e urës, ku cisternat e naftës shpërthyen do të rihapen këtë mbrëmje.

Kalimi u hap në vitin 2018 dhe ishte një simbol i aneksimit të paligjshëm të Rusisë.

Një këshilltar i presidentit të Ukrainës, Volodymyr Zelensky, Mykhailo Podolyak, nuk pretendoi drejtpërdrejt përgjegjësinë e Ukrainës, por shkroi: “Krimeja, ura, fillimi”.

“Çdo gjë e paligjshme duhet të shkatërrohet, gjithçka e vjedhur duhet të kthehet në Ukrainë, gjithçka e pushtuar nga Rusia duhet të dëbohet”.

Ministria e Mbrojtjes e Ukrainës e krahasoi shpërthimin e urës me fundosjen e kryqëzorit të raketave të Rusisë Moskva në prill.

“Dy simbole famëkeqe të fuqisë ruse në Krimenë ukrainase janë rrëzuar”, shkruhej në Twitter. “Çfarë është më pas në radhë?”

LEXONI GJITHASHTU:

• Shpërthim i madh në urën e vetme që lidh Rusinë me Krimenë
• Shpërthimi shkatërroi urën e vetme që i lidh me Rusinë, reagon zyrtari i Krimesë