Trendi i TikTok me tullumbacet kthehet në kampionat botëror

Zhvillohet për herë të parë në Spanjë Kampionati Botëror i tullumbaceve, i cili u organizua në një park argetimi në Tarragona.

Pjesë e idesë së këtij kampionati është komentatori i famshëm spanjoll Ibai Llanos dhe futbollisti i famshëm i Barcelonës, Gerard Pique.

“Kupa Botërore e tullumbaceve ” u frymëzua nga një treshe vëllezërish nga Oregon në Shtetet e Bashkuara – videot e tyre virale në  TikTok dhe Instagram  kanë tërhequr miliona shikime.

Tridhjetë e dy vende konkurruan për titullin duke luajtur lojën, në të cilën pjesëmarrësit duhej të mbanin ne ajer  tullumbacin  para se kundërshtari i tyre ta prekte atë.

Francesco De la Cruz, një adoleshent 18-vjeçar peruan, u bë kampioni i parë botëror i këtij turneu, pasi mposhti Jan Spiess nga Gjermania në një ndeshje finale 5-minutëshe me rezultatin 6-2.

Vendi i tretë i takoi një 18-vjeçar spanjoll. Lojtarja e vetme vajzë  e turneut, rusja Yana Rudenko, humbi kundër kundërshtarit nga Bolivia.

Ndeshjet u zhvilluan në një fushë 8×8 metra të mbushur me pengesa të ndryshme por si cdo kampionat ka fitues dhe humbës.

Fituesi mori 10 mijë euro, por 20 mijë euro u shpërndanë edhe mes 32 ekipeve pjesëmarrëse.