Treni me turistë del nga shinat, 50 të vdekur në Tajvan

2 Prill 2021 | 19:53

Të paktën 50 persona humbën jetën dhe mbi 100 u plagosën kur një tren në Tajvan doli nga shinat në një tunel. Treni u godit me një kamion dhe shënoi katastrofën më të rëndë hekurudhore në ishull në të paktën katër dekada.

Treni, një ekspres që udhëtonte nga Taipei në Taitung po transportonte rreth 350 turistë. Imazhet e skenës së rrëzimit tregojnë se vagonët brenda tunelit ishin dëmtuar nga goditja, ndërsa të tjerët u përmbysën , duke penguar ekipet e shpëtimit që të arrinin pasagjerët.

Agjencia e lajmeve “Reuters” raportoi se një kamion dyshohet se rrëshqiti në shtegun e trenit DUKE shkaktuar edhe aksidentin e frikshëm

Pjesa e përparme e trenit ndodhej jashtë tunelit dhe ata që ishin në vagonë akoma në tunel po çoheshin drejt sigurisë, tha administrata hekurudhore e Tajvanit.

Imazhet treguan pasagjerë duke mbledhur valixhe dhe çanta në një karrocë të anuar nga shinat dhe të tjerët që ecnin përgjatë shinave të mbushura me rrënoja. Forcat zjarrfikëse dhe ato të ndërhyrjes së shpejtë po punojnë për të nxjerrë pasagjerët që mendohet të  kenë mbetur të bllokuar në rrënoja.

Bregu malor lindor i Tajvanit është një destinacion i njohur turistik dhe linja hekurudhore nga Taipei poshtë bregut lindor është e njohur për tunelet dhe rrugën e saj që përgjatë bregdetit, aty ku ndodhi edhe aksidenti.

Home Kryefaqja
Shiko në: YouTube
Lajme të Sugjeruara

Tajani: Është SHBA-ja ajo që “duhet ta ndalojë Izraelin” për paqen në LM

Ministri i Jashtëm i Italisë Antonio Tajani tha të martën se Shtetet e Bashkuara janë vendi i pozicionuar më së miri për të ushtruar presion...
22:35 | 03/06/2026

SHBA tërheq trupat nga Lituania

Shtetet e Bashkuara kanë nisur tërheqjen e më shumë se 1 mijë ushtarëve amerikanë dhe pajisjeve ushtarake nga Lituania pas përfundimit të një periudhe dislokimi...
22:33 | 03/06/2026

Irani shënjestron anijen amerikane në Gjirin e Omanit! Araghchi: Nëse Izraeli sulmon Bejrutin, rifillon lufta

Irani thotë se marina e saj shënjestroi një anije detare amerikane që strehonte një “qendër komande dhe kontrolli” ndërsa ajo po i afrohej ujërave territoriale...
22:27 | 03/06/2026