Triumfojnë drama ‘The Crown’ dhe komedia ‘Ted Lasso’ në çmimet Emmy

Drama mbretërore “The Crown” dhe komedia “Ted Lasso” janë triumfuesit e çmimeve kryesore Emmy, një natë e dominuar nga shfaqjet e filmave, talentet britanike dhe trofe të fituara më së shumti nga gratë.

Drama  që kthen në vëmendje dashurinë për shahun “The Queens Gambit” u vlerësua  seriali më i mirë.

Jason Sudeikis, ylli dhe bashkë-krijuesi i “Ted Lasso”, u vlerësua aktori më i mirë i komedisë.

Trofe pati edhe për britanikët Hannah Waddingham dhe Brett Goldstein për rolet e tyre mbështetëse në filmin e një ekipi të futbollit anglez që luftoi dhe gjatë ditëve të errëta të pandemisë.

Michaela Coel, fitoi çmimin për skenarin e dramës “I May Destroy You”.

Britanikja Jessica Hobbs u vlerësua për regjinë e filmit “The Crown”.

Shtatë nga 12 çmimet e aktrimit shkuan për britanikët, përfshirë Olivia Colman dhe Josh O’Connor për rolin e Mbretëreshës Elizabeth dhe trashëgimtarit të fronit Princi Charles në sezonin e katërt të “The Crown” që u përqëndrua në martesën e Charles dhe Princeshës Diana.

Kate Winslet fitoi  trofeun e aktores kryesore për rolin e saj si një detektive në seritë  “Mare of Easttown”, ndërsa Ewan McGregor ishte një fitues surprizë për interpretimin e stilistit të modës tek “Halston”.

Për shkak të pandemisë edicioni i 73-të i çmimeve Emmy u zhvillua në një ambient të hapur me një listë të reduktuar të pjesëmarrësve, por pavarësisht kësaj eventi u mbyll me sukses.

LEXONI GJITHASHTU: 

• Artes Ferruni, shqiptarja e parë që vlerësohet në çmimet Emmy
• Schitt’s Creek, Succession dhe Watchmen rrëmbejnë Çmimet Emmy
• Shpallen nominimet për çmimet ‘Emmy‘, serialet ‘Crown’ dhe ‘The Mandalorian’ kryesojnë garën