Trump: Kuba dëshiron dialog me SHBA-në, Rubio është i angazhuar drejtpërdrejt në këtë proces

Presidenti i SHBA-së, Donald Trump, deklaroi se administrata e tij po mban një “qasje fleksibile” ndaj Kubës, duke pretenduar se Havana është e interesuar të nisë dialog me Uashingtonin. Në një intervistë për Axios të publikuar të premten, Trump tha se “Kuba dëshiron shumë të flasë”, ndërsa theksoi se Sekretari i Shtetit, Marco Rubio, është i angazhuar drejtpërdrejt në këtë proces.

Trump krahasoi gjithashtu një operacion të mundshëm amerikan ndaj Kubës me ndërhyrjen e fundit në Venezuelë, duke argumentuar se afërsia gjeografike e ishullit e bën atë shumë më të lehtë nga pikëpamja logjistike sesa operacionet në Lindjen e Mesme. Ai e përshkroi Kubën si “shumë pranë” brigjeve amerikane dhe la të kuptohet se administrata e tij po shqyrton opsione të ndryshme për të ardhmen e marrëdhënieve me Havanën.

Presidenti amerikan përmendi edhe operacionin ushtarak në Venezuelë, të cilin e cilësoi si një sukses, duke pretenduar se ai ka sjellë përfitime ekonomike dhe politike për të dy vendet. Sipas Trump, SHBA-ja gëzon aktualisht marrëdhënie të mira me Venezuelën dhe bashkëpunimi mes dy vendeve është zgjeruar ndjeshëm. Nga ana e saj, Kuba nuk ka reaguar ende zyrtarisht ndaj deklaratave të presidentit amerikan