Trump nënshkruan paketën e ndihmës financiare post-COVID-19

Presidenti i SHBA, Donald Trump, firmosi paketën e ndihmës financiare post-COVID-19 pas shumë ditësh refuzimi për ta pranuar marrëveshjen.

Paketa prej 2.3 tirilionë dollarësh do t’i vijë në ndihmë miliona amerikanëve për të shmangur një mbyllje të pjesshme të qeverisë federale.

Trump, i cili lë postin e presidentit më 20 janar pasi humbi zgjedhjet e nëntorit, u tërhoq nga “kërcënimi” i tij për ta bllokuar projekt-ligjin e miratuar nga Kongresi javën e kaluar.

Presidenti amerikan kërkoi që Kongresi ta ndryshonte projekt-ligjin duke rritur ndihmën financiare për familjet amerikane që po vuajnë pasojat e pandemisë, nga 600 dollarë në 2,000 dollarë.

Shumë ekspertë ekonomie janë shprehur se ndihma financiare duhet të jetë më e lartë, por thonë se ndihma është urgjente dhe duhet të jepet sa më shpejtë.

Shpërndarja e ndihmave të papunësisë, që po i jepeshin rreth 14 milionë personash, ndaloi të shtunën dhe do të rinisë menjëherë pasi presidenti Trump nënshkroi paketën.

Lexoni gjithashtu:

Kreu i OBSH: COVID-19 nuk do të jetë pandemia e fundit në botë

Evropa nis vaksinimin, në Itali, Spanjë, Gjermani dhe Austri bëhen injeksionet e para

SHBA pranë kolapsit, refuzimi i Trump për draftin anti-COVID rrezikon ekonominë

Bota izolon Britaninë, qetëson OBSH: Lloji i ri i virusit pjesë normale e evolucionit të pandemisë