Trump pas takimit me Rutte: NATO nuk ishte aty kur na duhej dhe nuk do të jetë aty kur të na duhet përsëri

Donald Trump ka sulmuar përsëri NATO-n për mosmbështetje ndaj SHBA-së në luftën e saj me Iranin, pas një takimi privat me Sekretarin e Përgjithshëm Mark Rutte në Shtëpinë e Bardhë.

Në një postim të ndarë në Truth Social pas takimit, Presidenti i SHBA-së tha: “NATO nuk ishte aty kur na duhej dhe nuk do të jetë kur të na duhet përsëri”.

Në të njëjtin postim, Trump iu referua edhe çështjes së Groenlandës, duke e përshkruar atë si një “copë të madhe akulli të keqmenaxhuar”, duke kujtuar përpjekjet e tij të mëparshme për të blerë ose përfshirë rajonin ishullor, gjë që kishte shkaktuar trazira diplomatike me Danimarkën.

Sipas informacioneve nga zyrtarë të qeverisë amerikane, po shqyrtohet një plan që do të përfshijë zhvendosjen e trupave amerikane nga vendet e NATO-s, vende që konsiderohen më pak mbështetëse të luftës me Iranin në shtete që konsiderohen më bashkëpunuese me strategjinë amerikane.

Më herët, Sekretari i Përgjithshëm i NATO-s, Mark Rutte, tha se gjatë takimit të tij me Donald Trump pati një “diskutim të sinqertë dhe të hapur”, gjatë të cilit presidenti amerikan shprehu pakënaqësinë e tij me qëndrimin e aleatëve.

Megjithatë, Rutte theksoi se shumica e vendeve evropiane ofruan mbështetje të konsiderueshme për Shtetet e Bashkuara.