Trump përsërit thirrjen ndaj aleatëve të bashkohen në mbrojtjen e Ngushticës së Hormuzit

Presidenti amerikan Donald Trump tha në një konferencë për mediat nga shtëpia e Bardhë të hënën se po inkurajonte vendet e tjera të bashkoheshin me operacionet, duke shtuar se disa vende i kishin thënë tashmë se ishin “në rrugën e duhur”. Ai vuri në dukje se disa vende dukeshin entuziaste për pjesëmarrjen, ndërsa të tjerat jo.

Ai tha se vendet e tjera duhet të jenë “të lumtura të na ndihmojnë” me situatën në Ngushticën e Hormuzit, duke shtuar se nuk ishte i sigurt nëse vendet që potencialisht ndihmojnë operacionet dëshironin që përfshirja e tyre të bëhej publike.

Në të njëjtën kohë, ai vlerësoi se priten pak sulme të tjera, duke pretenduar se Irani tani ka “shumë pak fuqi zjarri” për të përdorur.

Trump tha se forcat amerikane kanë shkatërruar 30 anije minuese në Ngushticën e Hormuzit. Ai shtoi se nuk ishte e qartë nëse ishin vendosur mina në zonë.