Trumpit i kërkohet të dëshmojë për trazirat në Kongres

Komiteti Hetues i Dhomës së Përfaqësuesve në Shtetet e Bashkuara, ka votuar të enjten që të ftojë për të dëshmuar ish-presidentin amerikan Donald Trump, lidhur me trazirat e 6 janarit të vitit 2021 në ndërtesën e Kongresit.

Një vendim i tillë mund të rezultojë me burgosje të Trumpit, në rast se nuk bashkëpunon me autoritetet.

Nëntë anëtarët e Komitetit, shtatë demokratë dhe dy republikanë kanë votuar në të mirë të vendimit.

Kështu, Trumpit i kërkohet që të ofrojë dokumente dhe të dëshmojë nën betim, lidhur me ngjarjet e 6 janarit.

“Ai person është në qendër të ngjarjeve që kanë ndodhur më 6 janar, andaj duam të dëgjojmë prej tij”, ka thënë udhëheqësi i Komitetit, Bennie Thompson.

Ligji federal parasheh që nëse një person nuk vepron në përputhje me ftesën e Kongresit për dëshmi, atëherë shkelja dënohet me 1 deri në 12 muaj burgim.

Komiteti i Dhomës së Përfaqësuesve ka hetuar për më shumë se një vit sulmin që ka lënë disa persona të vdekur dhe më shumë se 140 zyrtarë policorë të plagosur.

LEXONI GJITHASHTU: 

• Bërnabiç: Rusia po kryen agresion, por sanksionet nuk janë zgjidhja më e mirë
• Nutricionistja: Si ta dalloni vezën e freskët
• Të shtëna me armë zjarri në SHBA, 5 të vdekur