Turizmi ndërkombëtar në kolaps, vaksinimi i pabarabartë rëndon ekonominë globale

Kolapsi në turizmin ndërkombëtar për shkak të pandemisë mund t’i kushtojë ekonomisë globale deri në 2.4 trilionë dollarë këtë vit, pasi përhapja e pabarabartë e vaksinave shkatërron vendet në zhvillim, që janë shumë të varura nga turistet e huaj.

Në një raport të botuar nga Konferenca e Kombeve të Bashkuara për Tregtinë dhe Zhvillimin deklarohet se edhe me rritjen e numrit të personave të vaksinuar, ndikimi ekonomik i pandemisë në turizëm po rezulton të jetë më i ashpër se parashikimet me negative, të bëra 12 muaj më parë.

Rënia e turizmit mund t’i kushtojë ekonomisë botërore deri në 4.8 trilionë dollarë për vitin 2020 dhe 2021, duke i dhënë një goditje 2.9 trilionë dollarë vendeve të varfra.

Analiza merr parasysh humbjet ndaj industrive që furnizojnë ushqim, pije, akomodim dhe transport në sektorin e turizmit, por nuk pasqyron paketa stimuluese ekonomike që mund të zbusin ndikimin e pandemisë.

Në studim parashikohet një ulje prej 75% e hyrjeve turistike në vendet me norma të ulëta vaksinimi këtë vit, krahasuar me një ulje prej 37% në vendet që kanë të vaksinuar më shumë se gjysmën e popullsisë. Sipas parashikimeve, pritet te ketë një rënie prej 5.5% të papunësisë për punën e pakualifikuar.

Gjithashtu, mes 100- 120 milion vendeve te punës në sektorin e turizmit,  të cilat janë në rrezik, shumë prej tyre do prekin të rinjtë, gratë dhe punëtorët informalë.

LEXONI GJITHASHTU:

• E ardhmja e turizmit, sektori nuk pritet të rikthehet plotësisht deri në vitin 2023
• Turizmi në Shqipëri, mes masave kufizuese dhe sfidës për të ofruar shërbim cilësor
• Protokolli anti-COVID për turizmin, detyrat për sipërmarrësit turistikë, të njëjta si vitin e kaluar