Mbesa e liderit suprem të Iranit arrestohet sërish për mbështetje të protestuesve

Mbesa e liderit suprem të Iranit, Ayatollah Ali Khamenei, aktivistja e opozitës Farida Moradkani është arrestuar në Iran pasi u bëri thirrje qeverive të huaja të ndërpresin lidhjet me Teheranin për shtypjen e dhunshme të protestave të shkaktuara nga vdekja e një gruaje të re iraniane në paraburgim nga policia.

“Bota e lirë, ji me ne. Thuaju qeverive të tua të ndalojnë së mbështeturi këtë regjim vdekjeprurës që vret fëmijë. Ky regjim nuk është besnik ndaj asnjë parimi fetar dhe nuk njeh rregulla, përveç forcës dhe qëndrimit në pushtet”, tha Moradkani në një deklaratë video që ishte shpërndarë në internet nga vëllai i saj para arrestimit të tij, raportoi CNN.

Moradkani tha se në këtë moment kritik të historisë, i gjithë njerëzimi vëren se populli iranian me duar bosh po lufton me forcat e liga me guxim.

Ajo tha gjithashtu se iranianët janë në luftë me qeveritë që mbështesin regjimin iranian dhe u bëri thirrje vendeve demokratike që të tërheqin përfaqësuesit e tyre nga Irani dhe të dëbojnë përfaqësuesit iranianë nga vendet e tyre.

Regjimi iranian e ka arrestuar edhe më parë Moradkanin.

LEXONI GJITHASHTU:

• Irani bën thirrje që SHBA të përjashtohet nga Kupa e Botës pasi i ndërroi flamurin
• Futbollistët iranianë kënduan himnin para ndeshjes me Uellsin, tifozeria në lot