Lojtarët iranianë kënduan himnin kombëtar para ndeshjes së tyre kundër Uellsit, në Kupën e Botës.
Kjo ndodhi pasi katër ditë më parë ata qëndruan të heshtur ndërsa himni i tyre po luhej në stadium, në përpjekje për të distancuar veten nga qeveria e Iranit.
Tifozët shpërthyen në fërshëllima dhe lot.
Ndryshimi i qasjes nga lojtarët erdhi pasi mund të përballen me pasoja nëse nuk e këndojnë himnin në ndeshjet e radhës.
Disa nga futbollistët me zor hapnin gojën për të kënduar.
Të martën, Mehdi Chamran, kryetar i këshillit të qytetit të Teheranit, tha: “Ne kurrë nuk do të lejojmë askënd të ofendojë himnin dhe flamurin tonë kombëtar. Qytetërimi iranian ka një histori disa mijëra vjeçare – ky qytetërim është po aq i vjetër sa evropianët dhe amerikanët së bashku.”
Heshtja e ekipit përpara humbjes së tyre 6-2 nga Anglia ishte një shfaqje simbolike e mbështetjes për protestat që kanë vijuar në Iran që nga vdekja e Mahsa Aminit në shtator.
LEXONI GJITHASHTU:
- Irani ‘shtang’ Uellsin me dy gola në fund të ndeshjes
- Nuk kënduan himnin, Anglia mbështet futbollistët e Iranit
