Turqia miraton tërheqjen nga Konventa për Mbrojtjen e të Drejtave të Grave

Gjykata e Lartë Administrative në Ankara ka konfirmuar dhe miratuar sot tërheqjen e Turqisë nga Konventa e Stambollit për Mbrojtjen e të Drejtave të Grave.

Vendimi për t’u tërhequr nga ajo marrëveshje ndërkombëtare është marrë në mars 2019 nga presidenti turk Rexhep Tajip Erdogan, i cili e shpjegoi atë me faktin se konventa është në kundërshtim me themelet tradicionale të vendit dhe promovon homoseksualitetin, raporton TASS.

Dokumenti ka tërhequr kritika të ashpra në qarqet konservatore të Turqisë, të përfaqësuar nga Partia për Drejtësi dhe Zhvillim në pushtet.

Konventa e Stambollit, një marrëveshje ndërkombëtare e Këshillit të Evropës kundër dhunës ndaj grave dhe dhunës në familje, u miratua në maj 2011.

Më 12 mars 2012, Turqia ishte vendi i parë që ratifikoi Konventën, e cila hyri në fuqi në vitin 2014 dhe u nënshkrua nga 46 vende, plus Bashkimin Evropian.

LEXONI GJITHASHTU:

• Turqia pranon tërheqjen e trupave nga Siria veriore
• Turqia heq moshën e daljes në pension