Turqia pret më shumë turistë nga Evropa këtë dimër

Kompanitë turke të udhëtimit janë duke pritur fluks të turistëve evropianë në muajt në vijim, pas heqjes së kufizimeve të vendosura për COVID-19 dhe rritjes së çmimeve të energjisë.

“Këtë dimër presim më shumë turistë sesa në vitin e shkuar”, ka thënë Cem Polatoglu, zëdhënës i Asociacionit të operatorëve të udhëtimit në Turqi, shkruan Radio Evropa e Lirë.

“Gjatë pandemisë, njerëzit nuk kanë shkuar nëpër pushime. Tani që janë hequr kufizimet, shumë turistë ndihen sikur të jenë ‘liruar nga zinxhirët’”, ka thënë ai.

Përveç kësaj, edhe rritja e çmimeve të energjisë në Evropë është duke ndikuar në rritje të rezervimeve në sezonin e dimrit, sidomos në rajonet me kosto të lirë.

Rreth 29.3 milionë persona besohet se kanë kryer pushimet e tyre në periudhën janar-gusht të këtij viti në Turqi, çka përbën rritje për 108 për qind në krahasim me vitin e kaluar.

LEXONI GJITHASHTU:

• A do takohen Erdogan e Mitsotakis? Turqia e Greqia marrin pjesë në forumin në Pragë
• 634 mln euro nga biznesi i huaj, Italia shton flukset, tërhiqet Turqia
• Rama: Do godasim me dronë turq, koha është e paparashikueshme