Uragani Ian ‘pushton’ Floridan, humbin jetën 7 persona

Shtatë persona kanë vdekur si pasojë e uraganit Ian, i cili goditi Floridan të mërkurën e javës së kaluar.

Komisioneri i qarkut Charlotte, Chris Constance, theksoi se kjo është fatkeqësia më e rëndë natyrore që ka prekur ndonjëherë vendin.

Përmasat e katastrofës karakterizohen si me “përmasa historike” nga ekspertët.

Ndërkohë, operacionet e kërkim-shpëtimit janë ende në vazhdim.

Në të njëjtën kohë, kërkimet vazhdojnë për të gjetur 20 emigrantë që ndodheshin në bordin e një varke që u mbyt të mërkurën në brigjet e arkipelagut Keys, pak jashtë shtegut të uraganit.

Ian u zvogëlua në një stuhi tropikale pasi goditi Floridan, por pritet të forcohet sërish më vonë sot ndërsa shkon drejt Karolinës së Jugut.

LEXONI GJITHASHTU: 

• Uragani Ian ‘pushton’ SHBA, mbi 2 mln familje pa energji elektrike
• Uragani IAN, erëra të forta dhe përmbytje ende pa zbarkuar