Ushtari qëllon për vdekje ministrin që duhet të mbronte, më pas vret dhe veten

Një ushtar i Ushtrisë Kombëtare të Ugandës ka qëlluar për vdekje një ministër të qeverisë që ruante.

Koloneli në pension Charles Okello Engola, i cili ishte zëvendësministër për çështjet gjinore dhe punës, u qëllua në shtëpinë e tij mëngjesin e së martës. Nuk dihet ende nëse ka pasur një debat mes ushtarit dhe kolonelit Engola.

Ushtari, ende i paidentifikuar zyrtarisht, më pas qëlloi veten për vdekje.

Para se të kthente armën mbi vete, disa dëshmitarë okularë thanë se ushtari ecte nëpër lagje duke qëlluar në ajër.

Kolonel Engola ishte një zyrtar i lartë qeveritar dhe më parë kishte shërbyer si zëvendësministër i Mbrojtjes.

Kryetari i parlamentit të Ugandës konfirmoi vdekjen e Kol Engola në një deklaratë të shkurtër ndërsa kryesonte seancën e mëngjesit.

“Këtë mëngjes mora një lajm të trishtuar se Hon Engola është qëlluar nga truproja e tij dhe më pas ka qëlluar veten. I preftë shpirti në paqe. Ky ishte plani i Zotit. Ne nuk mund të ndryshojmë asgjë,” u tha Anita Among para deputetëve të martën.

LEXONI GJITHASHTU:

• Konfliktohen për një telefon, plagoset me thikë 47-vjeçari
• “S’mbaj mend asgjë”- Flet burri që qëlloi me sëpatë në kokë gruan pas sherrit banal