Vaksina e COVID-19, shtetet europiane nënshkruajnë marrëveshje me gjigandin farmaceutik

Katër shtete të BE-së kanë nënshkruar një marrëveshje me AstraZeneca, një ndër kompanitë më të mëdha farmaceutike, për furnizimin e të paktën 300 milionë vaksinave kundër COVID-19, e cila po testohet aktualisht në Universitetin e Oksfordit.

Lajmi u bë i ditur të dielën nga Ministria e Shëndetësisë së Gjermanisë.

Marrëveshja e nënshkruar nga firma anglo-suedeze dhe Aleancës Europiane Gjithëpërfshirëse të Vaksinimit do bëjnë të mundur qasjen ndaj vaksinës për cilindo shtet europian që dëshiron të marrë pjesë në këtë iniciativë.

Kostot pritet të mbulohen nga financimet e qeverisë.

“Kjo marrëveshje siguron qasjen e miliona europianëve ndaj vaksinës së Universitetit të Oksfordit, pas miratimit të saj”, tha drejtori ekzekutiv i kompanisë, Pascal Soriot.

AstraZeneca ka nënshkruar së fundmi disa marrëveshje të ngjashme me Mbretërinë e Bashkuar dhe SHBA.

Testimi i vaksinës kundër COVID-19 nisi në Mbretërinë e Bashkuar në prill, ku kanë marrë pjesë me mbi 1 mijë vullnetarë nga mosha 18 deri në 55 vjeç.

Lexoni gjithashtu

Nisin aleancat mes shteteve për krijimin e vaksinës, hapja e turizmit rrezik i llogaritur

Testimi i ri nis në Australi; 131 vullnetarëve u injektohet një vaksinë, rezultate bëhen me dije në korrik