Valë sulmesh në Gaza, Izraeli vijon fushatën e bombardimeve kundër milicive islamike

Një sulm ajror izraelit vrau dy palestinezë të tjerë mbrëmjen e së premtes, në atë që shihet si tensionimi më i dhunshëm i situatës.

Ushtria izraelite deklaroi se objektivi i saj ishte komandanti i një lëvizjeje xhihadiste, Ayeed Alhuseni, i cili mbeti i vrarë pasi një avion luftarak sulmoi banesën ku ai fshihej.

Lideri i lëvizjes Hezbollah, Sayyed Hassan Nasrallah deklaroi se po monitoron nga afër situatën në Gaza dhe paralajmëroi se sulmet ndaj lidershipit të grupit nuk do t’i dobësojnë luftimet.

Sulmet izraelite në ditët e fundit kanë çuar në vrasjen e 5 figurave kyçe të xhihadit islamik, në shenjë hakmarrjeje ndaj 900 raketave të qëlluara në zona të banuara të Izraelit.

Sipas Ministrisë së Shëndetësisë në Gaza, të paktën 33 palestinezë janë vrarë, përfshirë militantë por edhe fëmijë.

Dhuna është shoqëruar me thirrjet ndërkombëtare për qetësimin e situatës, me Bashkimin Evropian që po nxit palët për një armëpushim gjithëpërfshirës.

LEXONI GJITHASHTU:

• Irani dënoi sulmet me raketa izraelite në Liban dhe Gaza 
• Gaza/ Arkeologët zbulojnë rrënjët e lashta të enklavës bregdetare