Vapa ‘shkrin’ Greqinë, i nxehti afrikan sjell pluhur në rajonin e Atikës

Rajonet e Atikës dhe Peloponezit në Greqi, ku përfshihet edhe kryeqyteti i Athinës, regjistruan temperatura që arritën në 40 gradë celsius, teksa i nxehti afrikan përshkoi vendin për të pestën ditën rresht.

Departamenti meteorologjik i Greqisë ka dhënë tre paralajmërime për temperaturat e larta që prej 21 qershorit dhe u ka bërë thirrje të moshuarve, fëmijëve dhe të sëmurëve të shmangin kontaktin direkt me diellin nga ora 11:00 deri në 18:00, si dhe të veshin rroba të lehta, syze dielli dhe të mbajnë kapele.

“Sot është më keq. Temperatura është mbi 40 gradë”, u shpreh një qytetar.

“Është shumë vapë. Kur vjen korriku bëhet përvëlim”, tha një qytetare.

Vala e të nxehtit ka sjellë gjithashtu rërë dhe pluhur nga Afrika e Veriut në rajonin e Atikës.

Mali Parnitha, maja më e lartë në perëndim të Athinës, me mbi 1 mijë metra, me zor mund të shihet për shkak të pranisë së tyre.

LEXONI GJITHASHTU:

• Jo maska në ambientet e jashtme në Greqi, nga 28 qershori hiqet shtetrrethimi gjatë natës
• Ambasadorja e Shqipërisë në Greqi: Kategoritë e udhëtimit kanë ndryshuar, kuotat kanë mbetur të njëjta
• Kostas Bakoyannis: Greqia dhe Shqipëria kanë vullnet politik për të bashkëpunuar